Bajeviki adkryli ahoń pa aŭtobusie z kopckimi chryścijanami ŭ Jehipcie, zabiŭšy i paraniŭšy dziasiatki ludziej.
Dziaržaŭnyja ŚMI paviedamlajuć pra hibiel prynamsi 23 čałaviek i jašče 25 paranienych.
Infarmacyjny sajt Al-Yawm al-Sabi paviedamlaje, što ŭ vyniku ataki zahinuli 24 čałavieki, 16 paranienyja. Sajt spasyłajecca na krynicy siarod miedykaŭ.
Napad na chryścijan-koptaŭ adbyŭsia ŭ pravincyi El-Mińja ŭ 250 km na poŭdzień ad Kaira, kali aŭtobus nakiroŭvaŭsia ŭ manastyr Śviatoha Samuiła.
Kopty ŭ apošni čas nieadnarazova padviarhalisia napadam bajevikoŭ. Adkaznaść za napadu brała na siabie «Isłamskaja dziaržava».
U vyniku dvuch teraktaŭ, učynienych u cerkvach u Tancie i Aleksandryi 9 krasavika, zahinuli prynamsi 46 čałaviek.
0
0
0
0
0
0
