Nielehalny kandytar u Hrodna atrymała štraf za vyrab vypiečki, paviedamili BIEŁTA ŭ ekanamičnym sudzie Hrodzienskaj vobłaści.
Sud razhledzieŭ spravu ab administracyjnym pravaparušeńni ŭ dačynieńni da niepracujučaj 25-hadovaj žycharki Lidy. Technołah charčovaj pramysłovaści pa prafiesii, jana vałodała tonkaściami kandytarskaha mastactva. Zamovy na vyrab raznastajnych tortaŭ, kieksaŭ i inšaj vypiečki prymała ŭ nieabmiežavanaj kolkaści praz sacsietku «UKantakcie». Budučy nie zarehistravanaj u jakaści indyvidualnaha pradprymalnika, dziaŭčyna tolki ŭ krasaviku śpiakła pradukcyi na sumu bolš za 70 rubloŭ. Taksama jana ŭziała avans u pamiery 15 rubloŭ za vyrab pirožnych. Heta była kantrolnaja zamova.
Sud pryjšoŭ da vysnovy ab najaŭnaści składu administracyjnaha pravaparušeńnia, praduhledžanaha č. 1-1 art. 12.7 KaAP.
Z ulikam taho, što dziaŭčyna ŭpieršyniu pryciahvajecca da administracyjnaj adkaznaści, joj pryznačany štraf u pamiery 0,5 BV (adna BV ciapier składaje 23 rubli) z kanfiskacyjaj dachodu, atrymanaha ad dziejnaści bieź dziaržaŭnaj rehistracyi, u pamiery 11,5 rubla.
