Brytanskija navukoŭcy paličyli, jakaja sumarnaja masa ŭsiaho nasielnictva Ziamli z ulikam raźmierkavańnia vahi pamiž ludźmi roznaj vahavoj katehoryi — ad samych chudych da samych poŭnych. Pa viersii navukoŭcaŭ, vaha ŭsich ludziej składaje prykładna 287 miljonaŭ ton, pieradaje 24 kanał.
Takuju sumu atrymali navukoŭcy z Łondanskaj škoły hihijeny na asnovie danych SAAZ. Vaha siaredniestatystyčnaha čałavieka składaje 62 kiłahramy, biez uliku jaho połu.
Adnak navukoŭcy ŭličvali ŭsie asablivaści krain. Da prykładu, siaredni žychar Paŭnočnaj Amieryki važyć bolš za 80 kiłahram, u toj čas jak siaredniestatystyčny azijat — kala 60.
Navukoŭcy takim daśledavańniem sprabujuć pryciahnuć uvahu da prablemy atłuścieńnia siarod ludziej roznaha ŭzrostu, asabliva siarod dziaciej. Kali b kožny čałaviek važyŭ jak siaredniestatystyčny žychar ZŠA, to Ziamla stała b ciažejšaj na 58 miljonaŭ ton, bo 70% nasielnictva krainy maje lišniuju vahu.
