Niaŭstojlivaść nadvorja tłumačycca tym, što Ziamla pastupova nabližajecca da novaha ledavikovaha pieryjadu. Taki punkt hledžańnia vykazaŭ akademik Rasijskaj AN, navukovy kiraŭnik kafiedry kryjasofii Ciumienskaha dziaržaŭnaha univiersiteta Uładzimir Mielnikaŭ, paviedamlaje TASS.
Pa słovach navukoŭca, kali kazać pra viatry, jakija bušujuć nie tolki ŭ Maskvie, ale i ŭ Jeŭropie, i ŭ Amierycy, to heta kaža ab tym, što Ziamla ciapier pieražyvaje pierachodny pieryjad ad adnaho stanu da inšaha, tak zvanaje mižledavikoŭje. Pry hetym my ŭžo pražyli kala 10 tysiač hadoŭ z hetaha pieryjadu. I da novaha ledavikovaha pieryjadu zastajecca kala tysiačy hadoŭ. Inšymi słovami, my nabližajemsia da pachaładańnia.
Uładzimir Mielnikaŭ ličyć, što Ziamla ŭvachodzić u chałodny 35-hadovy cykł. U takija pierachodnyja pieryjady całkam imaviernyja «niejkija asablivaści, rezkija źmieny». «I my ciapier nazirajem, toje, što jak raz u Maskvie zdaryłasia, heta redkaja źjava ŭ pavietranych patokach. Mnie zdajecca, što heta adna z prajaŭ pierachodnaha pieryjadu ad ciopłaha da chałodnaha cykła, potym pastupova heta ŭsio zhładzicca», — adznačyŭ akademik RAN.
