Adzin čałaviek zahinuŭ i jašče try atrymali traŭmy ŭ DTZ, jakoje adbyłosia 4 červienia, kala 16.10, na 355-m kiłamietry trasy M1. Pra heta tut.by paviedamiła pradstaŭnik DAI Minskaha rajona Kaciaryna Silčanka.
Fota DAI Minskaha rajona.
- 33-hadovaja žančyna na Toyota Land Cruiser jechała pa trasie M1 u napramku Rasijskaj Fiederacyi ŭ krajniaj pravaj pałasie. Pavodle papiaredniaj infarmacyi, z-za techničnaj niaspraŭnaści aŭtamabila jana nie spraviłasia z kiravańniem, mašynu zaniesła, vykinuła na raździalalny hazon z nastupnym pierakulvańniem na pravaj abočynie, - skazali ŭ DAI.
Fota DAI Minskaha rajona.
U vyniku DTZ 45-hadovaha pasažyra vykinuła z aŭtamabila - ad atrymanych traŭmaŭ jon pamior na miescy zdareńnia. Kiroŭca i dva pasažyry atrymali traŭmy roznaj stupieni ciažkaści i byli špitalizavanyja.
