«Zhoda» («Sohłasije») mera Ryhi Niła Ušakova nabrała 50,85% na municypalnych vybarach, što prajšli ŭ Łatvii 3 červienia.
A voś u Daŭhapiłsie — druhim pa vieličyni horadzie Łatvii z samaj vysokaj praporcyjaj ruskamoŭnaha nasielnictva — apynułasia druhoj. Bolš za ŭsich hałasoŭ nabrała Łathalskaja partyja, piša Bi-bi-si.
A voś Śviatłana Łonskaja - kandydat u deputaty Daŭhaŭpiłsa ad partyi «Ad serca Łatvii» — u dumu nie prajšła.
Pieradvybarčy rolik «Śvietki-kandydata» nabraŭ 420 tys. prahladaŭ na YouTube za dva tydni - pryčym usio nasielnictva Łatvii składaje 1,9 miljonaŭ čałaviek. Adnak partyja Śviatłany Łonskaj nie pieraadoleła piacipracentny barjer.
Sama Śviatłana apynułasia lidaram śpisu pa «minusach», ich jana nabrała 235 — mienavita takaja kolkaść vybarščykaŭ vykraślili Śviatłanu Łonskuju ź pieradvybarčaha śpisu partyi.
