Haradzienskija milicyjanty znajšli žychara Hrodna, jaki ŭciok ź miesca zdareńnia paśla ŭčynieńnia śmiarotnaha najezdu na mužčynu, jaki lažaŭ na prajeznaj častcy, paviedamlaje BIEŁTA sa spasyłkaj na sajt DAI UUS Hrodzienskaha abłvykankama.
33-hadovy haradzieniec kala 12-j hadziny jechaŭ na aŭtamabili «Piežo» na pracu ŭ načnuju źmienu. Pablizu čyhunačnaha pierajezdu stancyi Auls jon ubačyŭ pieraškodu dla ruchu, ale najezdu paźbiehnuć nie zmoh.
Paśla zdareńnia kiroŭca spałochaŭsia i viarnuŭsia ŭ horad, pajeździŭ pa im i pakinuŭ mašynu na pryvakzalnaj płoščy. Na pracu pryjechaŭ na taksi.
Milicyjanty, vykazaŭšy zdahadku, što najezd moh ździejśnić chniechta z rabotnikaŭ pradpryjemstvaŭ z kruhłasutačnym cykłam, vyjšli na kiroŭcu. Jon pryznaŭsia.
Pavodle papiaredniaj infarmacyi, zahinuły 24-hadovy mužčyna lažaŭ na prajeznaj častcy i nie byŭ abaznačany śviatłoadbiŭnymi elemientami.
