Filipe Amorim/ZUMAPRESS.com
Padatkovaja słužba Ispanii śćviardžaje, što z 2011 pa 2014 hady Ranałdu nie zapłaciŭ u kaznu padatkaŭ na ahulnuju sumu €14,7 młn. Pradstaŭniki prakuratury ličać, što Ranałdu śviadoma vykarystaŭ «biznes-strukturu», stvoranuju ŭ 2010 hodzie, z tym, kab schavać svoj dachod ad uładaŭ. Havorka idzie pra dachod, atrymanym za vykarystańnie miedyjapravoŭ.
Ranałdu abvinavačvajuć u čatyroch epizodach ŭchileńnia ad vypłaty padatkaŭ. Pa źviestkach prakuratury, najbolšuju sumu partuhalec schavaŭ ŭ 2014 hodzie — tady ispanskaja kazna nie atrymała €8 508 419.
U kancy maja Ranałdu dobraachvotna vypłaciŭ ispanskaj kaźnie €6 młn z tym, kab paźbiehnuć kryminalnaha pieraśledu. Partuhalec zajaviŭ pra hatoŭnaść supracoŭničać z padatkovaj słužbaj i pry nieabchodnaści vypłacić pazastałyja hrošy.
Pa ispanskich zakonach ŭ vypadku dobraachvotnaj zhody na pahašeńnie zapazyčanaści kryminalnaja sprava nie adkryvajecca. U anałahičnaj situacyi padatkovaja słužba Ispanii admoviłasia inicyjavać kryminalny pieraśled u dačynieńni Žaze Maŭryńju, jaki ŭznačalvaŭ «Reał» u jakaści treniera.
