Arhiencinski futbalist Fiederyka Aljende z kłuba «Pasifika» pryznaŭsia, što padčas adnaho z matčaŭ vykarystaŭ suprać svaich praciŭnikaŭ špilku.
Chuan Atera
Padčas matča za kubak Arhienciny ŭ minułuju niadzielu jon niekalki razoŭ tknuŭ špilkaj supiernikaŭ z kłuba «Estudyjantes».
«My viedali, što my pavinny hulać suprać ich brudna, i ja praciahvaŭ kałoć forvardaŭ «Estudyjantes» ihołkaj», — zajaviŭ Aljendie. Jon taksama patłumačyŭ, što futboł — heta hulnia dla «razumnych».
Kałumbijski futbalist Chuan Atera, jaki hulaje ŭ napadzieńni ŭ «Estudyjantes», zajaviŭ ŚMI, što padčas niadzielnaha matča jaho čatyry razy ŭdaryŭ špilkaj futbalist «Pasifika». Pa słovach Atera, jon paskardziŭsia na heta sudździ, ale toj praihnaravaŭ jaho skarhi.
Zajavy Aljende ŭžo pryviali da skandału ŭ arhiencinskim futbole. Prezident «Pasifika» Hiektar Mankada zajaviŭ, što choča vykinuć Aljende z kłuba.
«Pasifika» — kłub čaćviortaha dyvizijona, a «Estudyjantes» niekalki razoŭ stanaviŭsia čempijonam Arhientyny. Niadzielny matč vyjhraŭ «Pasifika».
