U Pinsku kranaŭščyk viežavaha krana vypaŭ z kabiny. Spatrebiłasia dapamoha ratavalnikaŭ, kab spuścić jaho na ziamlu, paviedamlaje Bresckaje abłasnoje adździaleńnie MNS.
Vyklik ratavalnikam pastupiŭ ranicaj 17 červienia. Dziažurnaja miedsiastra chutkaj dapamohi paviedamiła, što z krana na placoŭku ŭpaŭ čałaviek, nieabchodnaja dapamoha, kab jaho źniać.
Pa prybyćci ratavalniki vyśvietlili, što na placoŭcy partalnaha krana-lesapahruzčykv (samachodny na rejkavym chodzie) na ŭzroŭni 10 mietraŭ lažyć čałaviek. Rabotniki chutkaj dapamohi ahledzieli jaho, ale im patrebna była dapamoha, kab źniać paciarpiełaha z vyšyni.
Rabotniki MNS z dapamohaj univiersalnaj składnanaj šyny pa aŭtaleśvicy spuścili kranaŭščyka na ziamlu i pieradali miedykam. Mužčyna 1962 hoda naradžeńnia z traŭmami roznaj stupieni ciažkaści špitalizavany ŭ reanimacyjnaje adździaleńnie Pinskaj centralnaj rajonnaj balnicy, jaho stan ciažki.
