Atmaśfierny front z Bałtyjskaha mora ŭžo ŭ sieradu pryniasie ŭ našu krainu bolš chałodnaje pavietra, karotkačasovyja daždžy i paryvisty viecier. Pra heta paviedamiŭ načalnik słužby mietearałahičnych prahnozaŭ Hidramieta Minpryrody Dźmitryj Rabaŭ.
U aŭtorak, 20 červienia, nočču pieravažna biez apadkaŭ. Dniom na bolšaj častcy terytoryi karotkačasovyja daždžy, u asobnych rajonach navalnicy, mocnyja daždžy. Viecier paŭnočna-zachodni, zachodni 5-10 m/s, dniom paryvy da 14 m/s, miescami da 15-20 m/s. Tempieratura nočču +10 +16°S, dniom +23 +29°S.
U sieradu ŭžo stanie chaładniej. Na bolšaj častcy terytoryi čakajucca karotkačasovyja navalničnyja daždžy i paryvisty viecier. Tempieratura nočču +10 +16°S, pa paŭnočnym zachadzie +7 +9°S, dniom ad + 16°S pa poŭnačy da +25°S pa poŭdni krainy.
U čaćvier nočču ŭ paŭnočna-ŭschodnich rajonach, dniom pieravažna pa paŭnočnaj pałovie krainy karotkačasovyja daždžy, dniom mahčymy navalnicy. Tempieratura nočču +6 +13°S, dniom +16 — +23°S.
Dalej, z paŭdniovaha zachadu Jeŭropy pačnie pastupać bolš ciopłaje, ale pa raniejšamu nasyčanaje vilhaćciu pavietra, tempieratura znoŭ pačnie pastupova pavyšacca:
U piatnicu ŭ asobnych rajonach karotkačasovyja daždžy, mahčymy navalnicy. Tempieratura nočču +6 + 13°S, dniom +16 + 23°S; pa paŭdniovym zachadzie nočču +14 + 16°S, dniom +24 + 26°S.
