U Minsku sutyknulisia dva Hyundai, paśla čaho vinoŭnik avaryi ŭciok ź miesca DTZ, a kali viarnuŭsia, byŭ mocna pjany. Pra heta TUT.BYraspaviała pradstaŭnik DAI Maskoŭskaha rajona Luboŭ Trapaška.
Fota DAI Maskoŭskaha rajona
Incydent adbyŭsia dniom 17 červienia. 55-hadovy kiroŭca Hyundai jechaŭ pa vulicy Alšanskaj z boku Słabadskoj u kirunku Mantažnikaŭ. Z-za nievykanańnia dystancyi jon sutyknuŭsia z aŭtamabilem takoj ža marki, kiroŭca jakoha prytarmaziŭ dla pavarotu naleva. Paśla DTZ vinavaty ŭ avaryi syšoŭ ź miesca avaryi.
Inśpiektary, jakija prybyli na miesca zdareńnia, «prabili» pa bazie ŭładalnika aŭtamabila — im akazałasia žančyna. Jana patłumačyła, što mašyna znachodzicca ŭ jaje brata. Supracoŭniki DAI patelefanavali mierkavanamu ŭdzielniku avaryi, i toj viarnuŭsia na miesca zdareńnia.
Kali mužčyna pryjšoŭ da miesca DTZ, adrazu stała zrazumieła, što jon mocna pjany. Jaho advieźli na miedycynski ahlad, jaki pakazaŭ 2,6 pramile ałkaholu. Pa słovach kiroŭcy, paśla avaryi jon spałochaŭsia, tamu ŭciok. Paśla hetaha jon zajšoŭ u kramu, kupiŭ butelku harełki i vypiŭ jaje.
Na parušalnika inśpiektary skłali piać administracyjnych pratakołaŭ. Jamu pahražaje pazbaŭleńnie prava kiravańnia transpartnymi srodkami da piaci hadoŭ, a taksama štraf da 100 bazavych vieličyń (2300 rubloŭ).
