U Hrodzienskaj vobłaści płanujecca realizavać prajekt pa vytvorčaści sanitarna-hihijeničnych vyrabaŭ z bavoŭny i lonu. Pra heta BIEŁTA paviedamili ŭ pres-słužbie Dziaržaŭnaha kamiteta pa navucy i technałohijach.
Mahčymaść realizacyi dadzienaha prajekta abmiarkoŭvałasia na sustrečy staršyni DKNT Alaksandra Šumilina z staršynioj Hrodzienskaha abłvykankama Uładzimiram Kraŭcovym. Abjom finansavańnia składzie 12 772 tysiač rubloŭ. Prajekt namiečana realizavać da 2021 hoda.
Pa infarmacyi DKNT, TAA «MiedLen» nabyło vytvorča-składski budynak, abstalavańnie dla pierapracoŭki i padačy bavaŭniana-lnianoha vałakna dla padhuzkaŭ, a taksama liniju dla vytvorčaści dziciačych padhuzkaŭ.
«Inavacyjnaść prajekta zaklučajecca ŭ arhanizacyi vytvorčaści novaj dla Biełarusi pradukcyi — vyrabaŭ sanitarna-hihijeničnaha i miedycynskaha pryznačeńnia z užyvańniem naturalnych, bijałahičnych čystych materyjałaŭ — bavoŭny i lonu. Jany dabratvorna ŭpłyvajuć na zdaroŭje čałavieka i nie zabrudžvajuć navakolnaje asiarodździe paśla ŭtylizacyi. U adroźnieńnie ad isnujučych novy bijapadhuzak budzie zrobleny z całkam naturalnych materyjałaŭ u miescach, što sudakranajucca ź ciełam», — rastłumačyli ŭ DKNT.