Fota Iryny Arachoŭskaj
Biełaruś raźmiaściła dva tranšy jeŭraablihacyj z pahašeńniem u lutym 2023 hoda i ŭ červieni 2027 hoda ŭ abjomie 800 miljonaŭ dalaraŭ i 600 miljonaŭ adpaviedna, paviedamlaje Rejter sa spasyłkaj na krynicu ŭ finansavych kołach.
Dachodnaść karotkaha tranšu była ŭstanoŭlena na ŭzroŭni 7,125% hadavych, doŭhaha vypusku — 7,625%, što prykładna adpaviadaje čakańniam. Sukupny popyt inviestaraŭ pieravysiŭ 3,1 miljarda dalaraŭ.
Biełaruskaja delehacyja 19-21 červienia praviała ŭ ZŠA i Jeŭropie road show dalaravych jeŭraablihacyj. Arhanizatarami raźmiaščeńnia vystupajuć Citi, Raiffeisen Bank International AG i Bank raźvićcia Biełarusi.
Raniej ułady Biełarusi zajaŭlali, što ŭ 2017 hodzie majuć namier vypuścić jeŭraablihacyi na sumu da 1 młrd dalaraŭ.
Biełaruś viartajecca na mižnarodny pazykovy rynak paśla praciahłaj paŭzy. U studzieni 2011 hoda 7-hadovyja suvierennyja jeŭraablihacyi raźmiaščalisia na 800 młn dalaraŭ pad 8,95%. Heta adziny vypusk jeŭrabondaŭ Biełarusi, jaki znachodzicca ŭ zvarocie. U lipieni 2015 hoda Minfin pahasiŭ 1 młrd dalaraŭ pa debiutnym jeŭrabondach, raźmieščanych u 2010 hodzie. Vypłata adbyłasia ŭ asnoŭnym za košt pastupleńniaŭ mytnych pošlin i zapazyčańni na rasijskim rynku.