Prezident Francyi Emanuel Makron ličyć Rasiju krainaj, jakaja ažyćciaŭlaje ahresiju na Danbasie i adabrała va Ukrainy Krymski paŭvostraŭ. Pra heta jon zajaviŭ 26 červienia na pres-kanfierencyi ŭ Francyi paśla sustrečy z prezidentam Ukrainy Piatrom Parašenkam, paviedamlaje UP.
Reuters
«Treba razumieć, što ahresija zychodzić ad Rasii, to bok ahresaram źjaŭlajecca nie Ukraina. Taksama my pryznajom anieksiju Kryma, što jana niezakonnaja. My viedajem, chto raźviazaŭ vajnu. My pavinny z hetaha vyjści ŭ ramkach dasiahnutych pahadnieńniaŭ», — adznačyŭ francuzski lidar.
Na dumku Makrona, minski farmat vyrašeńnia prablem Danbasa nie idealny, ale pakul lepšych prapanoŭ niama.
Da taho ž, ličyć prezident Francyi, u Minsku možna dasiahnuć pośpiechu, kali ŭsie baki pracesu prykładuć namahańni dla vykanańnia ŭmoŭ minskich damoŭlenaściej.
Nahadajem, jašče budučy kandydatam u prezidenty Francyi Makron zajaŭlaŭ, što nie budzie padparadkoŭvacca dyktatu Pucina, i zaklikaŭ Rasiju vykonvać abaviazacielstvy pa Danbasie.
