Švied Jochan Hustafsan, jakoha terarystyčnaja hrupoŭka «Al-Kaida» trymała ŭ pałonie z 2011 hoda, vyzvaleny. Pra heta paviedamiŭ šviedski ŭrad. Hustafsana adpravili na samalocie ŭ Šviecyju, piša VVS.
AFP
Miascovyja ŚMI sa spasyłkaj na ministra zamiežnych spraŭ Šviecyi Marhot Valstrem paviedamili, što Hustafsan znachodzicca ŭ dobrym nastroi.
Pa słovach ministra, vyzvaleńnie Hustafsana stała mahčymym dziakujučy «surjoznym namahańniam» i supracoŭnictvu pamiž šviedskim ministerstvam zamiežnych spraŭ, palicyjaj i ŭładami inšych dziaržaŭ. Valstrem nie ŭdakładniła, ab jakich mienavita krainach idzie havorka i ŭ čym zaklučałasia ich rola.
U 2011 hodzie 42-hadovaha Hustafsana razam z paŭdniovaafrykancam i hałandcam zachapili ŭ pałon na terytoryi Mali čalcy hrupoŭki «Al-Kaida isłamskaha Mahryba». Adnaho z pałonnych vypadkova znajšli i vyratavali ŭ 2015 hodzie padčas rejdu na poŭnačy krainy, dvoje inšych zastalisia ŭ pałonie.
U Mali ŭ 2012 hodzie pačałasia hramadzianskaja vajna. A ŭ 2013 hodzie ŭ krainu ŭviali francuzskija vojski, jakim udałosia dasiahnuć źmiennych pośpiechaŭ i advajavać u miaciežnikaŭ raniej zachoplenyja harady. Tym nie mienš, nabiehi džychadzistaŭ pieryjadyčna zdarajucca da hetaha času.
