Paŭkiłahramovy askiepak prabiŭ dach chlava ŭ vioscy Bruk (pravincyja Paŭnočnaja Hałandyja) 11 studzienia. Uładalniki budynka znajšli jaho na nastupnuju ranicu i pieradali śpiecyjalistam z Muzieja pryrodaznaŭstva ŭ Lejdanie.
Paśla daśledavańnia ekśpierty abviaścili, što chandrytavy mietearyt, jaki ŭpaŭ u vioscy, źjaŭlajecca adnahodkam Soniečnaj sistemy, jakaja ŭźnikła kala 4,5 miljarda hadoŭ tamu.
«Jon prylacieŭ z rajona pamiž Marsam i Jupiteram, hetaja prastora poŭnaja kaśmičnaha śmiećcia i mikrapłaniet», — paviedamiŭ hieołah Lea Kryhsman.
Muziej spadziajecca vykupić mietearyt va ŭładalnikaŭ. Jaho rynkavy košt aceńvajecca ŭ adnu tysiaču jeŭra.
Heta šosty zarehistravany niderłandski mietearyt. Pry hetym navukoŭcy miarkujuć, što abjekty kaśmičnaha pachodžańnia padajuć na terytoryju krainy ŭ siarednim kožnyja dva-try hady, ale čaściakom zastajucca nie vyjaŭlenymi.
