U Viciebsku ŭzbudžanaja kryminalnaja sprava pa fakcie machlarstva ŭ asabliva bujnym pamiery ŭ dačynieńni da nieviadomaha parapsichołaha, jaki vymańvaŭ hrošy ŭ viciablanki.
Žycharka abłasnoha centra pieraličyła złamyśniku, jaki abiacaŭ akazać parapsichałahičnuju dapamohu 102 021 dalar ZŠA i 438 300 rasijskich rubloŭ.
Pakolki z materyjałaŭ pravierki ŭhledžvajecca, što złačynnyja dziejańni suprać viciablanki ździejśnienyja jak na terytoryi Rasii, tak i na terytoryi Biełarusi, pa hetym fakcie raspačali kryminalnuju spravu.
U toj ža čas prakuratura Viciebska paviedamlaje, što ŭ apošni čas pačaścilisia zajavy ab zavałodańni hrašyma žycharoŭ horada na padstavie akazańnia parapsichałahičnaj i ekstrasensornaj dapamohi.
Pry hetym srodki, jak praviła, pieravodzilisia zajaŭnikami z dapamohaj elektronnych pieravodaŭ na rachunki asob, jakija pražyvajuć za miežami Biełarusi. Tamu, pakolki miescam faktyčnaha zavałodańnia hrašyma źjaŭlałasia terytoryja zamiežnaj dziaržavy, u adpaviednaści z patrabavańniami ajčynnaha Kryminalnaha kodeksu, kryminalnyja spravy nie raspačynalisia, a zajaŭnikam tłumačyłasia prava zvarotu ŭ pravaachoŭnyja orhany zamiežnych dziaržaŭ.
