U centry Minska prajšła akcyja pratestu, na jakuju sklikaŭ Mikoła Statkievič. Na Kastryčnickaj płoščy sabralisia kala 200 čałaviek, jakija šeściem prajšli da płoščy Niezaležnaści. Nijakich zatrymańniaŭ pry hetym nie było. Voś videaanłajn z padziej:
Apazicyjny palityk Mikoła Statkievič zaklikaŭ svaich prychilnikaŭ pravieści akcyju pratestu 3 lipienia. Mierapryjemstva, jakoje maje pačacca a 14-j hadzinie na Kastryčnickaj płoščy Minska, budzie nazyvacca «Za mirnuju Biełaruś!».
«My vyjdziem u Dzień vyzvaleńnia Minska, kab vyzvalić siabie, vyzvalić svaje dušy ad zdrady, chałujstva i chłuśni. Vyzvalim siabie, vyzvalim krainu», — zajaviŭ palityk. Adno z patrabavańniaŭ akcyi — admiena sumiesnych z Rasijaj vajskovych vučeńniaŭ «Zachad-2017».
«Kali Płošča budzie pierakrytaja, navat nie viedajučy pra heta, ja zaklikaju ruchacca da Kastryčnickaj płoščy z zachadu pa praśpiekcie Niezaležnaści, z boku HUMa i Centralnaha ŭniviersama», — zaklikaŭ Mikałaj Statkievič.
Pierad papiarednimi akcyjami pratestu siłaviki previentyŭna zatrymlivali Mikołu Statkieviča. Siońnia karespandenty «Našaj Nivy» pačnuć videaanłajn ad doma palityka i buduć fiksavać jaho šlach u centr Minska.
