Volkswagen pradstaviŭ ekśpierymientalny chetčbek Gen.E ź dźviarmi «kryły čajki», elektryčnym ruchavikom i abstalavańniem dla bieśpiłotnaha kiravańnia.
Pratatyp moža dać ujaŭleńnie ab budučych aŭtamabilach niamieckaj marki, u tym liku, ab madeli Golf nastupnaha pakaleńnia. Publičny debiut navinki adbudziecca 12 vieraśnia ŭ Frankfurcie, paviedamlaje pres-słužba kampanii.
Navinka ŭjaŭlaje saboj trochdźvierny chetčbek z čatyrochmiascovym sałonam, dźviarmi, jakija adčyniajucca pa pryncypie «kryły čajki», i asobnymi śviatłodyjodnymi dzionnymi chadavymi ahniami, vykananymi ŭ styli elemientaŭ elektrakara Golf E.
U asnovie Volkswagen Gen.E lažyć «inavacyjnaja lohkaja architektura», jakaja budzie zabiaśpiečvać maksimalnuju biaśpieku aŭtamabilam ź vialikimi batarejami pry sutyknieńni.
U piaredniaj častcy aŭtamabila ŭstalavali kompleks sensaraŭ i radaraŭ, a pad łabavym škłom bačnaja videakamiera. Miarkujecca, što heta abstalavańnie dla pracy sistemy paŭaŭtamatyčnaha kiravańnia.
Na tym miescy, dzie pavinna znachodzicca emblema VW, raźmiaściłasia dva razdymy. Jak miarkujecca, jomistaść akumulataraŭ elektrakara možna papaŭniać jak ad hramadskich stancyj chutkaj padzaradki, tak i ad bytavoj elektrasietki. Zapas chodu aŭtamabila skłaŭ 400 kiłamietraŭ.
