Siońnia ŭ pajadynku 1/64 finału Azaranka, jakaja zajmaje ciapier 683-je miesca ŭ rejtynhu WTA, uziała vierch nad amierykanskaj tenisistkaj Ketryn Bielis, u jakoj 40-ja pazicyja ŭ suśvietnym rejtynhu - 3: 6, 6: 2, 6: 1. Sustreča praciahvałasia 1 h. 45 chv., paviedamlaje karespandent BiełTA.
Spačatku ŭ Viktoryi absalutna ničoha nie vychodziła i jana sastupiła ŭ čatyroch hiejmach zapar. Paśla hetaha biełaruska zdoleła sabracca i ŭziała dźvie padačy zapar - supiernicy i svaju, skaraciŭšy razryŭ u liku - 2: 4. Zatym tenisistki ŭziali pa ačku na svaich padačach, a ŭ 9-m hiejmie Viktoryja mieła 4 brejk-pointy, ale nie zdoleła damahčysia pośpiechu, sastupiŭšy pieršy set 3:6.
Druhaja partyja pačałasia ź bliskučaj ataki Azaranka, jakaja paviała ŭ liku 3:0. Prajhraŭšy nastupny hiejm, Vika praciahvała dyktavać svaje ŭmovy i ŭ vyniku vyjhrała hetuju partyju 6:2.
U trecim, vyrašalnym secie Azaranka adrazu syšła ŭ adryŭ - 4:0, zatym prajhrała hiejm na padačy amierykanki, ale potym znoŭ uziała situacyju pad kantrol i vyjhrała 6:1.
Raniej debiutantka turniraŭ «Vialikaha šlema» Aryna Sabalenka (136) taksama vyjšła ŭ 2-i raund, pieramohšy rasijanku Irynu Chromačavu (110) - 6:3, 6:4. Jašče adna biełaruska Alaksandra Sasnovič (89) u pieršym kruzie hulaje z 13-j rakietkaj płaniety Alenaj Astapienka z Łatvii.
