U Hamburhu ŭ subotu, 8 lipienia, zaviaršajecca samit «vialikaj dvaccatki». Niahledziačy na roznahałośsi, amal pa ŭsich pytańniach udzielnikam sustrečy ŭdałosia pryjści da kampramisaŭ. Pierad pryniaćciem vynikovaha kamiunikie ŭ zaklučny dzień pracy samita prajšoŭ šerah važnych sustreč.
Fiederalny kancler Anhieła Mierkiel na pres-kanfierencyi, pryśviečanaj vynikam samitu G20, zajaviła, što ŭdzielniki sustrečy ŭzhadnili vynikovaje kamiunikie. Pavodle jaje słoŭ, krainam «vialikaj dvaccatki» ŭdałosia dasiahnuć vynikaŭ pa ŭsich pytańniach, što abmiarkoŭvajucca ŭ chodzie samita. Mierkiel padkreśliła, što lidary G20 pahadzilisia zachavać adkrytaść rynkaŭ, adznačyli važnaść baraćby z pratekcyjanizmam i padtrymali nieabchodnaść realizacyi Paryžskaha pahadnieńnia pa klimacie, niahledziačy na zajavu ZŠA ab vychadzie ź jaho. Mierkiel zajaviła, što rada tamu, što bolšaść udzielnikaŭ G20 paličyli realizacyju pahadnieńnia «niezvarotnaj».
Členy «vialikaj dvaccatki» ŭzhadnili tekst sumiesnaj zajavy. Pa słovach dypłamataŭ, ahulnaja pazicyja dasiahnuta ŭ pytańniach abarony klimatu i ŭ handlovych pytańniach. Tak, u 30-staronkavym dakumiencie havorycca pra toje, što ŭsie krainy-členy G20 za vyklučeńniem ZŠA majuć namier damahacca chutčejšaha dasiahnieńnia punktaŭ Paryžskaha pahadnieńnia. U dakumiencie taksama adznačajecca, što jany «pryniali da viedama» pazicyju ZŠA, jakija zajavili ab vychadzie z klimatyčnaha pakta.
Prezident RF Uładzimir Pucin na pres-kanfierencyi pa vynikach samitu G20 zajaviŭ, što Rasija nikoli nie ŭmiešvałasia ŭ vybary ŭ SŠA. Pucin ukazaŭ na adsutnaść realnych dokazaŭ takoha ŭmiašańnia.
Drukujecca ŭ miežach śpiecyjalnaj rubryki «Naviny Hiermanii»
