Pa dadzienych blizkich da karparacyi krynic, smartfon nastupnaha pakaleńnia, chutčej za ŭsio, zusim pazbavicca Touch ID: na źmienu hetaj funkcyi pryjdzie technałohija raspaznańnia tvaraŭ.
Niadaŭniaja patentavaja zajaŭka Apple paćvierdziła, što technałohija moža pracavać na piersanalnych kampjutarach kampanii. Z apisańnia vynikaje, što sistema znachodzicca ŭ režymie nizkaj aktyŭnaści, da taho času, pakul datčyki nie «znojduć» tvar, a zatym aktyvujecca technałohija raspaznańnia.
U dakumiencie raspracoŭščyki Apple apisvajuć niekalki varyjantaŭ pracy hetaj technałohii. Naprykład, adsočvajučy, jak daloka karystalnik znachodzicca ad pryłady, jana moža pierajści ŭ «śpiačy režym», kab ekanomić zarad batarei.
Miarkujecca, što ŭ smartfona budzie datčyk 3D-kamiery, z dapamohaj jakoha ŭładalnik pryłady zmoža ŭvajści va ŭlikovy zapis, aŭtentyfikavać płaciažy i biaśpiečna zapuskać dadatki. Taksama technałohija zmoža adskanavać tvar karystalnika na praciahu niekalkich sotniaŭ milisiekund i razbłakavać telefon navat kali ŭładalnik nie ŭziaŭ jaho ŭ ruki (a, naprykład, pakinuŭ lažać na stale).