Devid Merkieł sustreŭsia z Natallaj Piatkievič i Lidzijaj Jarmošynaj

KP.BY: Alaksandra Kazulina vyzvalili ŭ subotu, apošnich palitźniavolenych — u aŭtorak, a vy ŭžo ŭ čaćvier pryjechali. To bok vy čakali hetaha kroku?

— My razam ź inšymi krainami nastojvali na takim kroku. Tamu

my chacieli adkazać na jaho, pakazać, što budziem vitać i inšyja kroki biełaruskaha boku

KP.BY: Nu voś u Eŭrasajuzu było 12 umovaŭ, ciapier 11… U vas jaki śpis?

— My na mnohaje budziem źviartać uvahu ŭ pracesie padrychtoŭki vybaraŭ. My budziem sačyć za rehistracyjaj kandydataŭ, za umovami ich dostupu da vybarcaŭ — heta dostup da ŚMI i mahčymaść pravodzić sustrečy. Važny skład vybarčych kamisij. Dumaju, heta supadaje z tym, na što źviartaje ŭvahu ESi misija naziralnikaŭ ABSE. Taksama nas niepakoić stan zdaroŭja amerykanskaha hramadzianina, spadara Zelcera, jaki znachodzicca ŭ źniavoleńni ŭ Biełarusi, ci atrymlivaje jon nieabchodnyja medykamenty. My taksama zacikaŭlenyja ŭ narmalnych adnosinach z našym pasolstvam tut.

KP.BY: U sensie, jaho pašyreńnie?

— Ja nie vykarystoŭvaŭ by słova « pašyreńnie»… Nie, ja b chacieŭ bačyć adnaŭleńnie jaho ŭ toj samaj kolkaści!

KP.BY: Bolš kankretna budziecie havaryć paśla vybaraŭ?

— My hatovyja abmiarkoŭvać pytańni pry luboj mahčymaści, pastojanna. Choć hetyja vybary vielmi važnyja.

Kali ŭłady stvorać spryjalnyja mahčymaści, i kandydaty i vybarcy zmohuć brać udzieł u vybarach, heta budzie krokam da palapšeńnia adnosinaŭ.

KP.BY: Kali spadar Kremer (byŭ namieśnikam dziaržsakratara ZŠA da Merkieła – Red.) pryjaždžaŭ siudy ŭ krasaviku 2007 hodu, u jaho byli prablemy atrymać vizu. A jak chutka vam jaje pastavili?

Devid Merkieł śmiajecca i pstrykaje ŭ pavietry palcami –