Biełarusi treba na ŭvieś hołas zajaŭlać ab sabie na suśvietnaj arenie. Ab hetym kiraŭnik dziaržavy Alaksandr Łukašenka zajaviŭ siońnia na naradzie pa pryjarytetach zamiežnaj palityki Biełarusi na sučasnym etapie.
«Sučasny etap raźvićcia biełaruskaj dziaržavy patrabuje vybudoŭvać našu źniešniepalityčnuju i źniešnieekanamičnuju dziejnaść pa-novamu - bolš maštabna i nastupalna. Liču, što nadyšoŭ čas, kali nam treba na ŭvieś hołas zajaŭlać ab sabie na suśvietnaj arenie. Bolš aktyŭna pašyrać i abaraniać svaje nacyjanalnyja intaresy. I nie dziela niejkich ambicyj, a dziela taho, kab umacavać našu suvierennuju i niezaležnuju dziaržavu. Jak palityčna, tak i ekanamična. Pierš za ŭsio, ekanamična», - zajaviŭ kiraŭnik dziaržavy.
Kiraŭnik krainy adznačyŭ, što efiektyŭnaje ŭzajemadziejańnie Biełarusi sa źniešnim śvietam - pole dziejnaści nie tolki Ministerstva zamiežnych spraŭ. «Heta zadača ŭsich tut prysutnych: prezidenta, parłamienta, urada, ministerstvaŭ i viedamstvaŭ, miascovaj vykanaŭčaj ułady, subjektaŭ haspadarańnia. Pryčym pa ŭsich napramkach: palityčnym, ekanamičnym, humanitarnym, u śfierach biaśpieki, kultury, adukacyi, sportu», - skazaŭ Alaksandr Łukašenka.
«Kali jakaja-niebudź z našych struktur nie moža znaści svajo miesca ŭ hetaj rabocie, značyć, vyznačany niapravilnyja pryjarytety. Biez prasoŭvańnia svaich prajektaŭ za miažu siońnia nie vyjści na maštabnaje raźvićcio. Kali niama prajektaŭ, to niama efiektyŭnaj raboty!» - ličyć biełaruski lidar.
Havoračy ab pavyšeńni roli Biełarusi ŭ suśvietnaj palitycy, Alaksandr Łukašenka padkreśliŭ, što ŭsie padstavy dla hetaha ŭ krainy jość. «Tak, dla bolšaj častki śvietu my maładaja suvierennaja dziaržava. Ale praces farmiravańnia našaj dziaržaŭnaści naličvaje nie adno stahodździe. Dziaržaŭnyja ŭtvareńni, pierajemnicaj jakich źjaŭlajecca suvierennaja Biełaruś, byli paŭnapraŭnymi ŭdzielnikami padziej, što adbyvajucca ŭ našym rehijonie. A časam i ton zadavali. Tamu peŭny histaryčny vopyt aktyŭnaj źniešniaj palityki ŭ nas jość», - skazaŭ biełaruski lidar. «I nie tolki ŭ nas, isnujučy ŭnutry hety vopyt. My ž nie izalavany ad inšych dziaržaŭ. I ŭ hetym płanie jość u kaho vučycca», - dadaŭ jon.
