Niadaŭna navukoŭcy z Rasii raspracavali technałohiju vytvorčaści «samaŭznaŭlalnych asfaltava-bietonnych materyjałaŭ dla darožnaha pakryćcia», paviedamlaje hi-news.ru.
Infarmacyja ab novaj raspracoŭcy była apublikavanaja ŭ časopisie Composites Science and Technology. Zhodna z artykułam, novy mietad likvidacyi raskolin darožnaha pałatna dazvolić skaracić termin ramontu tras z tydnia da niekalkich hadzin, a vydatki na ramont mohuć być źmienšanyja ŭ 3 razy.
Struktura nanatrubak dla ŭkaranieńnia ŭ bitum-asfaltavaje pakryćcio
U skład materyjału ŭklučanyja tokapravodnyja vuhlarodnyja nanatrubki «Taŭnit-M», jakija vałodajuć unikalnymi paramietrami, jakija vyznačajuć ich vysokuju indukcyjnuju ŭsprymalnaść. Dla zapusku hetaha pracesu nieabchodnaja pryłada nakštałt hibrydu mikrachvalovaj piečy i katka: jana budzie jechać pa darozie, nahravajučy pavierchniu i pryvodziačy nanatrubki ŭ ruch mikrachvalami, što inicyjuje zroščvańnie «darožnych ran». Takim čynam, dla ramontu nie treba budzie vykarystoŭvać vialikuju kolkaść novaj darožnaj sumiesi (jaje treba budzie dadavać tolki ŭ vypadku vialikich paškodžańniaŭ). Treba budzie tolki paru razoŭ prajechać, i «rany zaciahnucca».
Chimičny skład nanatrubak: 92,4% — vuhlarod, 5,4% — kisłarod, 0,7% — mahnij, 1,5% — kobalt
Varta skazać, što padobnyja raspracoŭki viaducca i ŭ inšych krainach, naprykład u Hałandyi i Kitai, ale zamiežnyja navukoŭcy ŭ jakaści dadatku vykarystoŭvajuć mietaličnuju fibru. Vykarystańnie ža vuhlarodnych nanatrubak pavialičvaje efiektyŭnaść mietadu i istotna pavyšaje technałahičnaść vytvorčaści, bo patrabuje indukcyjny razahreŭ tolki tonkaj bitumnaj plonki, jakaja pakryvaje kamiennyja materyjały, ale nie patrabuje źmieny składu asfaltabietonnaj sumiesi.
