U Ivanaŭskaj vobłaści Rasii zavieršana rasśledavańnie kryminalnaj spravy ab naŭmysnym zabojstvie, učynienym hrupaj asob, paviedamlaje Ivanovonews.ru.
Pa viersii śledstva, u kancy žniŭnia 2016 hoda ŭ vioscy Błahavieščańnie Łuchskaha rajona dvoje pryjacielaŭ 1984 i 1989 hadoŭ naradžeńnia raśpivali śpirtnyja napoi z hramadzianinam Biełarusi.
Hość ź Biełarusi paabiacaŭ sabutelnikam pradać im mabilny telefon, ale potym pieradumaŭ. Heta nastolki razzłavała rasiejcaŭ, što jany nakinulisia na biełarusa i stali źbivać.
Zatym złamyśniki vyvieźli jaho na matacykle z kalaskaj za miežy vioski i znoŭ źbili. Paśla čaho pryvieźli da vadajoma, zaciahnuli ŭ vadu i ŭtrymlivali svaju achviaru pad vadoj da tych časoŭ, pakul paciarpieły nie pierastaŭ padavać prykmiety žyćcia. Pierakanaŭšysia, što mužčyna miortvy, złamyśniki zamaskiravali trup travoj i źjechali.
Škiletavany trup byŭ vypadkova znojdzieny hrybnikami ŭ vadajomie ŭ kancy vieraśnia 2016 hoda. Padazravanyja ŭ zabojstvie byli zatrymanyja. Im pradjaŭlena abvinavačvańnie. U chutkim časie kryminalnaja sprava budzie nakiravana ŭ sud.
