Stan muzyki, jak śćviardžajuć miedyki, zdavalniajučy. Zaŭtra jon pa hastrolnym płanie źbirajecca vystupić u Kijevie.
Kali havaryć miedycynskimi terminami, miezadanit — heta zapaleńnie limfatyčnych vuzłoŭ bryžejki kišačnika, jakoje supravadžajecca intaksikacyjnym sindromam i adčuvańniami ŭ vobłaści žyvata.
Ale čym mahli być vyklikanyja rezkija boli ŭ žyvacie muzyki?
Pra heta pa prośbie «NN» parazvažaŭ staličny aniestezijołah Andrej Vituška: «Miezadanit źjaŭlajecca ŭskładnieńniem virusna-kišačnaj infiekcyi ci luboj inšaj. Na jaje fonie mikroby praryvajucca i nazapašvajucca ŭ limfatyčnych vuzłach. Vuzły pastupova pavialičvajucca, što vyklikaje dyskamfort: u čałavieka pačynaje baleć žyvot.
Nielha niešta źjeści i adčuć padobnyja niedamahańni praź niekalki hadzin. Zvyčajna takaja situacyja zdarajecca ŭžo paśla pieraniesienaj infiekcyi, atručvańnia. Chutčej za ŭsio, tak i było z Dejvam. I toje, što jon trapiŭ u balnicu na terytoryi Biełarusi, — prostaja vypadkovaść, tak atrymałasia pa časie. Ale heta mahło adbycca i ŭ Kijevie zaŭtra ci niedzie jašče».
Čytajcie taksama: Salist Depeche Mode vypisany z balnicy ŭ Minsku: dyjahnaz — miezadanit
