Google zajaŭlaje, što ŭ Glass Enterprise Edition (tak nazyvajecca novaja madel) pavialičany termin słužby batarei, i akulary buduć zručniejšymi pry praciahłym našeńni.
Vonkava novyja akulary pa-raniejšamu nahadvajuć aryhinalnuju madel ź nievialikim prazrystym dysplejem i ŭbudavanaj kamieraj.
Navinka budzie kankuravać, siarod inšaha, z Microsoft HoloLens.
Mnohija mierkavali, što paśla letašniaha sychodu ŭ adstaŭku vykanaŭčaha dyrektara kampanii Toni Fadeła prajekt «razumnych akularaŭ» naohuł budzie začynieny.
Adnak padraździaleńnie «Ch» maciarynskaj kampanii Alphabet praciahvała raźvivać hetuju technałohiju i niadaŭna paviedamiła na navinavym sajcie Medium ab svaich apošnich dasiahnieńniach.
Jak dadaje časopis Wired, usie, chto pracavaŭ nad prajektam, abaviazalisia trymać u sakrecie isnavańnie Glass Enterprise Edition i dla ŭsich fatahrafij paziravać ŭ starych akularach.
Na hety raz akulary buduć pradavacca praz kampanii, jakija śpiecyjalizujucca na prahramnym zabieśpiačeńni i jakija buduć prapanoŭvać ich jak častku pakieta razam ź inšymi svaimi pasłuhami. Kampanija Ubimax, jakaja bazujecca ŭ Hiermanii i stvaraje prahramnaje zabieśpiačeńnie dla vytvorčaj śfiery i dastaŭki, paviedamiła Bi-bi-si, što budzie brać za svoj pakiet kala 1500 jeŭra, nie ličačy abanienckaj płaty.
