Ratavalniki pryjazdžajuć na vyklik treci raz za miesiac u staličnuju kvateru na Adzincova pa paviedamleńni ab uzharańni. I treci raz ratujuć pjanych haspadaroŭ. Pra heta paviedamlaje staličnaje ŭpraŭleńnie Ministerstva pa nadzvyčajnych situacyjach.
23 lipienia nočču pažarnyja vyjavili, što zadymleńnie adbyłosia z-za ŭzharańnia matraca. Pažar zhasili na miescy praź niekalki chvilin. Płošča ŭzharańnia skłała 2 kvadratnyja mietry. U vyniku paškodžany matrac i zakuranaja kvatera. Evakuacyju nie pravodzili. Rabotniki MNS vyratavali 64-hadovaha invalida 1-j hrupy pa aporna-ruchalnym aparacie i jaho 70-hadovuju žonku. Aboje byli pjanyja, ich dastavili ŭ balnicu.
Jak miarkujecca, pryčyna pažaru - nieaściarožnaść padčas kureńnia.
Darečy, matrac hareŭ u hetaj kvatery 5 i 11 lipienia. Muž i žonka byli pjanyja.
Pa słovach susiedziaŭ, siamja złoŭžyvaje ałkaholem i znachodzicca na ŭliku va UUS rajona jak niadobranadziejnyja.
