Pastanovaj Ministerstva justycyi ad 12 lipienia 2017 hoda №138 ŭniesienyja źmieny ŭ praviły pracy dziaržaŭnych archivaŭ Biełarusi, paviedamlaje Nacyjanalny pravavy internet-partał.
Dakumientam udakładnienyja vidy infarmacyjnych dakumientaŭ i zapytaŭ. Tak, u novaj redakcyi vykładzienaje vyznačeńnie termina «infarmacyjny list». Zhodna z pastanovaj, heta list, składzieny archivam pa svajoj inicyjatyvie abo pa zapycie karystalnika, jaki ŭtrymlivaje paviedamleńnie ab archiŭnych dakumientach pa peŭnaj temie, prablemie, a taksama ab adsutnaści ŭ archivie dakumientaŭ, nieabchodnych dla vykanańnia zapytu karystalnika.
Akramia taho, skarektavanyja niekatoryja pytańni infarmacyjnaha zabieśpiačeńnia karystalnikaŭ. U pryvatnaści, paznačana, što infarmacyjnaje zabieśpiačeńnie karystalnikaŭ praduhledžvaje vyjaŭleńnie archivam zapytanych dziaržaŭnymi orhanami, inšymi arhanizacyjami abo hramadzianami źviestak i pradastaŭleńnie im adpaviednych infarmacyjnych dakumientaŭ.
Što tyčycca vykanańnia hienieałahičnych zapytaŭ, dakumientam vyznačana, što archiŭ pravodzić takuju pracu ŭ paradku akazańnia płatnych pasłuh (u tym liku na asnovie damovy).
