Navukoŭcy z ZŠA vyjavili ŭ mozhu myšej asablivuju hrupu niervovych kletak, jakija kirujuć pracaj «prahramy stareńnia». Daśledčyki zmahli zapavolić praces stareńnia ich cieła, «zasiejaŭšy» hetuju častku mozhu stvałavymi kletkami, havorycca ŭ artykule, apublikavanym u časopisie Nature.
«My vyjavili, što kolkaść stvałavych kletak u hipatałamusie pastupova pamianšajecca ź ciaham času, i heta paskaraje stareńnie. Jak akazałasia, nastupstvy hetaha nie źjaŭlajucca niezvarotnymi — zamianiŭšy stvałavyja kletki abo dadaŭšy ŭ mozh malekuły, jakija jany vyrablajuć, možna nie tolki zamarudzić, ale i paviarnuć nazad stareńnie niekatorych častak cieła», — zajaviŭ Dunšen Caj ź Miedycynskaha kaledža Albierta Ejnštejna ŭ Ńju-Jorku.
Hetyja vopyty pryviali da nievierahodnych vynikaŭ: myšy sa źniščanymi kletkami hipatałamusa stareli ŭ niekalki razoŭ chutčej za ich surodzičaŭ z kantrolnaj hrupy, a hryzuny, u mozh jakich bijołahi ŭviali novyja stvałavyja kletki, naadvarot, stareli prykmietna pavolniej i pražyli na 19% daŭžej za narmalnych myšej.
Zaraz bijołahi sprabujuć zrazumieć, jakija mienavita malekuły zapavolvajuć stareńnie cieła, mozhu i inšych orhanaŭ myšej. Ich adkryćcio, jak ličać Caj i jaho kalehi, stanie pieršym krokam na šlachu pošuku «prahramy stareńnia» i adkryćcia mietadaŭ jaje častkovaha abo poŭnaha adklučeńnia.
