Papularny resurs dla darosłych Pornhub skłaŭ statystyku ab pieravahach biełarusaŭ u pieršaj pałovie 2017 hoda, jaje apublikavała vydańnie Sitydog.by. Akazvajecca, za paŭhoda ŭ biełarusaŭ źmianiłasia lubimaja katehoryja, a vizity na sajt stali značna bolš praciahłymi.
Pavodle źviestak resursu, 70% jaho biełaruskich naviednikaŭ — mužčyny, a 30% - žančyny. Samaja aktyŭnaja ŭzrostavaja katehoryja - ad 25 da 34 hadoŭ. Kala pałovy ŭsich karystalnikaŭ naviedvaje sajt z nastolnych kamputaraŭ, astatnija — sa smartfonaŭ i płanšetaŭ. 40% usiaho «biełaruskaha» trafiku prychodzicca na Minsk.
U siarednim adzin vizit na sajt ź Biełarusi doŭžycca 9 chvilin i 6 siekund. U 2016 hodzie hety pakazčyk byŭ nižej - usiaho 7 chvilin 13 siekund. Zaraz chutčej za ŭsio z resursu sychodziać karystalniki z Maładziečna, Homiela, Mahilova i Babrujska. Daŭžej usich zatrymlivajucca naviedniki z Baranavičaŭ, Navapołacka, Mazyra i Minska.
Minčuki čaściej za inšych karystalnikaŭ sajta ź Biełarusi šukajuć nazvu svajho horada i krainy, a taksama słovy threesome (seks utroch) i russian party (ruskaja viečarynka). Hladziać žychary stalicy čaściej amatarskija videa i siužety pra kastynh.
Samy papularny pošukavy zapyt karystalnikaŭ z našaj krainy - Russian ( «ruski»). Takija videa biełarusy šukajuć na 2222% čaściej, čym karystalniki sajta ŭ siarednim. Paśla iduć Overwatch (kamputarnaja hulnia), Mom ( «matula») i Russian mature ( «ruski śpieły»).
Najbolš prahladanaja ź Biełarusi katehoryja ŭ pieršaj pałovie 2017 hoda - Hentai (chientaj, žanr japonskaj animacyi). Letaś «lidaram» byŭ raździeł Anal (analny seks), zaraz jon adyšoŭ na druhoje miesca. Taksama ŭ topie ŭ naviednikaŭ sajta - MILF (stałyja žančyny), Mature (žančyny starejšaha ŭzrostu) i Teens (padletki).
