Kampanija Apple pačała vydalać z kitajskaj viersii kramy dadatkaŭ App Store prahramy dla VPN, piša Techcrunch. Na situacyju źviarnuli raspracoŭščyki dadatka ExpressVPN, jaki dazvalaje abychodzić błakavańnie sajtaŭ.
U liście, jakoje atrymali raspracoŭščyki, havorycca, što ich dadatak utrymlivaje kantent, pašyreńnie jakoha ŭ Kitai niezakonnaje. Dla žycharoŭ inšych krain dadatak zastajecca dastupnym. Možna jaho spampavać i ŭ Kitai, kali zavieści akaŭnt na App Store i nie pakazvać Kitaj u jakaści krainy pražyvańnia.
Pra błakavańnie svaich dadatkaŭ u kitajskim App Store paviedamili i inšyja raspracoŭščyki servisaŭ pryvatnych virtualnych sietak.
U studzieni 2017 hoda ŭłady Kitaja pryniali zakon, zhodna ź jakim VPN-servisy, jakija vykarystoŭvajucca ŭ krainie, pavinny prachodzić abaviazkovuju siertyfikacyju i nie dazvalać atrymlivać dostup da zabłakavanaha kantentu.
Kitaj ličycca krainaj z adnym z najbolš žorstkich zakanadaŭstvaŭ, jakija abmiažoŭvajuć svabodu słova ŭ internecie. U rejtynhu svabody presy arhanizacyi «Reparciory bieź miežaŭ» Kitaj ŭ 2016 hodzie zajmaŭ 176 miesca.