31 lipienia venesuelskaja apazycyja praviadzie ahulnanacyjanalnuju akcyju pratestu suprać palityki ŭładaŭ i sklikańnia kanstytucyjnaj asamblei.
Pra heta paviedamiŭ hubernatar štatu Miranda Enrykie Kapryles — adzin z hałoŭnych palityčnych praciŭnikaŭ prezydenta Nikalasa Madury.
«Pačynajučy z poŭdnia, pačniecca pratest pa ŭsioj krainie», — cytuje palityka apazycyjnaja kaalicyja «Blok demakratyčnaha adzinstva» ŭ svaim Twitter.
30 lipienia ŭ Venesuele prajšli vybary ŭ kanstytucyjnuju asambleju. Hety adnapałatny orhan moža refarmavać systemu dziaržaŭnaha kiravańnia i źmianiać asnoŭny zakon dziaržavy.
Namieśnik kiraŭnika Adzinaj sacyjalistyčnaj partyi Venesueły Dyjasdada Kabello zajaviŭ pra «rekordnuju jaŭku», u toj čas jak pradstaŭniki apazycyi zapeŭnivajuć, što jana nie dasiahnuła navat 15%, nieabchodnych dla sklikańnia asamblei.
Apanenty aburajucca namierami Madury i jahonych paplečnikaŭ jašče bolš skancentravać uładu ŭ svaich rukach. Pavodle źviestak aktyvistaŭ apazycyi, achviarami hvałtu ŭ akcyjach pratestu ŭ minułyja vychodnyja stali bolš za paŭtara dziasiatka čałaviek.
Vieniesuelskaja Nacyjanalnaja hvardyja matacyklistaŭ padčas pierastrełki.
Pra zachady suprać «architektaraŭ aŭtarytaryzmu» ŭ Venesuele zajavili ŭ ZŠA. Pra heta havorycca ŭ apublikavanym 30 lipienia paviedamleńni načalnicy presavaj słužby Dziaržaŭnaha departamentu Hezer Naŭert.
Pavodle jaje, ZŠA asudžajuć naviazanyja 30 lipienia vybary ŭ kanstytucyjnuju asambleju. Z hledzišča Vašynhtonu, novy orhan zaklikany zamianić zakonna abranuju Nacyjanalnuju asambleju i padarvać prava venesuelskaha narodu na samavyznačeńnie.