Hazieta adznačaje, što preparat stvarajecca na asnovie dendrytnych kletak, jakija majuć kosnamazhavoje pachodžańnie. Jany pahłynajuć puchlinavy antyhien, apracoŭvajuć jaho ŭnutry siabie i pradstaŭlajuć jaho T-limfacytam, aktyvujučy imunny adkaz. Takim čynam, T-limfacyty pačynajuć adroźnivać kletki ŭłasnaha arhanizma ad zaražanych, puchlinavych abo čužarodnych. Takaja stratehija stvareńnia procipuchlinnych vakcyn nazyvajecca imunaterapijaj.
Schiema atrymańnia vakcyny składajecca ŭ nastupnym: u pacyjenta zabirajuć pieryfieryčnuju kroŭ, ź jakoj atrymlivajuć niaśpiełyja dendrytnyja kletki, nahružajuć ich roznymi puchlinavymi antyhienami, stymulujuć paśpiavańnie dendrytnych kletak, a potym uvodziać nazad u arhanizm.
Pakul zastajecca nie vyrašanaj prablema efiektyŭnaj dastaŭki antyhienaŭ ŭ dendrytnyja kletki. Navukoŭcy pracujuć nad hetaj zadačaj i sintezavali lipasomy, jakija dastaŭlajuć nukleinavyja kisłoty, što kadzirujuć puchlinavyja antyhieny, u dendrytnyja kletki.
«Stvoranaja pa hetym pryncypie vakcyna była pravieranaja na myšach: jaje vykarystańnie pryviało da taho, što kolkaść mietastazaŭ miełanomy ŭ myšej źniziłasia ŭ 5-6 razoŭ adnosna kantrolnaj hrupy», — adznačajecca ŭ materyjale.