Ministerstva achovy zdaroŭja rekamienduje paźbiahać u Turcyi masavych dziciačych mierapryjemstvaŭ u suviazi ź infarmacyjaj u ŚMI ab raspaŭsiudzie virusa Kaksaki.
U Ministerstvie achovy zdaroŭja rajać turystam vykonvać asabistuju hihijenu na kurortach, staracca paźbiahać kupańnia ŭ basiejnach, udziełu ŭ masavych dziciačych mierapryjemstvach, bo ŭ 90% vypadkach infiekcyja ŭźnikaje ŭ dziaciej. Pry źjaŭleńni simptomaŭ u dziaciej baćkam nieabchodna nieadkładna źviarnucca da doktara.
Asacyjacyja turapierataraŭ Rasii paviedamlaje, što vypadki infiekcyj nie nosiać masavaha charaktaru i ŭźnikajuć štohod jak na kurortach Turcyi, tak i inšych krain plažnaha adpačynku ŭ pik siezonu adpačynkaŭ. Raniej pres-sakratar Rasijskaha sajuza turindustryi (RST) Iryna Ciuryna raspaviała Interfaksu, što rasijanie pačali źviartacca ŭ turfirmy z prośbaj admianić zabraniravanyja pucioŭki ŭ Turcyju z-za navin pra virus Kaksaki. Ale zrabić heta niemahčyma biez štrafu, bo aficyjnaha paćvierdžańnia infarmacyi pra virus niama.
Pa dadzienych śpiecyjalistaŭ strachavoj kampanii ERV (Rasija), z maja pa červień 2017 hoda zafiksavana 260 zvarotaŭ turystaŭ, jakija zarazilisia virusam Kaksaki. Z 1 pa 10 lipienia zarehistravana 11 skarhaŭ na syp na ciele, u asnoŭnym z hatela Nashira (Side). U paviedamleńniach turahientaŭ fihurujuć taksama kurorty Bielek i Kiemier, hateli Starlight, Limak Limra, Papillon Belvil. Akramia taho, u adnym z kurortnych piacizorkavych hatelaŭ Turcyi paražeńni skury atrymali amal usie dzieci, jakija kupalisia ŭ basiejnie. Z tempieraturaj, pačyrvanieńnie na skury, padobnymi na čyrvonyja vadzianki, dziaciej abśledavali ŭ miedpunkcie ŭ Turcyi. Tam zapeŭnili, što ničoha nadzvyčajnaha niama.
U cełym kolkaść chvorych na virus Kaksaki ŭ Turcyi ŭ 2017 hodzie ŭ paraŭnańni z 2015-m pavialičyłasia. Adnak pra pieravyšeńnie epidparohu i pavyšanaj niebiaśpieki kazać nie prychodzicca.
***
Kaksaki — heta hrupa virusaŭ, jakaja moža vyklikać roznyja zachvorvańni. Jaho nośbitam źjaŭlajucca ludzi, i pieradajecca jon pavietrana-kropielnym abo, naprykład, fiekalna-aralnym šlacham, kali čałaviek nie pamyŭ ruki paśla prybiralni. Simptomy: tempieratura, dyjareja, vanity, syp, maleńkija bolečki na ślizistaj abałoncy rota. Zachvorvańni, vyklikanyja virusam Kaksaki, mohuć błytać ź vietranaj vospaj ci stamatytam. Čaściej za zachvorvańnie praciakaje ŭ lohkaj formie i ŭ formie siaredniaj stupieni ciažkaści. Paćvierdzić, ci na samaj spravie zachvorvańnie vyklikaŭ virus Kaksaki, možna tolki paśla łabaratornaha daśledavańnia.
