Dvoje žycharoŭ Minska zabralisia na televiežu vyšynioj 350 mietraŭ, jakaja znachodzicca ŭ rajonie pasiołka Kałodziščy i źniali praces na videa. Pry hetym jany prajšli achovu, jakaja staić na ŭvachodzie na terytoryju televiežy.
Sami chłopcy nazyvajuć svoj zaniatak modnym słovam «rufinh», a siabie — «rufierami». Takija ludzi majuć niezvyčajnaje chobi — załazić na vyšynnyja budynki. Zvyčajna jany zdymajuć videa dla śpiecyjalnych błohaŭ ŭ YouTube, pieradaje belsat.eu.
Televieža ŭ Kałodziščach zabiaśpiečvaje ličbavaje televiaščańnie, retranślujučy na Minsk i Minskuju vobłaść sihnał usich dziaržaŭnych kanałaŭ i radyjo. Jana dasiahaje 350 mietraŭ u vyšyniu i znachodzicca pad achovaj. Za praniknieńnie na televiežu biez dazvołu praduhledžana administracyjnaja adkaznaść.
«Na ŭvachodzie stajaŭ post achovy, niechta z achoŭnikaŭ chadziŭ pa terytoryi jašče. Ja navat sam nie viedaju, jak my prajšli ich. Pakul šukali, ź jakoha boku lepš zabracca, to staralisia nie traplacca na vočy. Nu, a kali byli ŭžo naviersie — nie zrazumieli, čamu nas nie zaŭvažyła achova», — raspavioŭ adzin z rufieraŭ Ivan Ł.
Pa słovach inšaha amatara rufinhu, jaki zabraŭsia na hetuju televiežu, pahladzieŭšy videa na YouTube-kanał Ivana, «achova jość, ale jana nie hladzić naohuł, siadzić u svaim biełym damku».
My źviarnulisia ŭ pres-słužbu RUP «Biełtelekam», bo ŭ śfieru ich adkaznaści ŭvachodzić kantrol za televiežaj. Adnak tam paprasili nakiravać piśmovy zapyt, na jaki nie adkazali ni ŭ dzień zvarotu, ni na nastupny dzień. Pres-sakratar adznačyła, što chutki adkaz «nie harantuje».
Nieviadoma, ci ŭvachodzić televieža ŭ śpis stratehičnych abjektaŭ, bo hetaha śpisu niama ŭ adkrytym dostupie, jon pryznačany dla ŭnutranaha karystańnia pravaachoŭnikaŭ.
