Biełaruskija spartsmieny zavajavali 8 uznaharod na junijorskim čempijanacie śvietu pa tajskim boksie ŭ Banhkoku, jaki prajšoŭ pad ehidaj Mižnarodnaj fiederacyi tajskaha boksa (IFMA), paviedamlaje karespandent BiełTA.
Na najvyšejšuju prystupku pjedestała siarod junijoraŭ padnialisia biełaruskija atlety Aleh Lichtarovič (vahavaja katehoryja - 71 kh) i Fiodar Kołtun (86 kh). Siarod małodšych załatuju ŭznaharodu zavajavaŭ naš spartsmien Ilja Syrycki (36 kh). Srebnym pryzioram spabornictvaŭ siarod starejšych junakoŭ staŭ pradstaŭnik biełaruskaj kamandy David Ivanoŭ (54 kh).
Bronzavyja ŭznaharody zavajavali: Andrej Varonik (40 kh) i Daniła Kvač (60 kh), va ŭzrostavaj katehoryi starejšyja junaki, a taksama junijory Ryhor Rapienko (57 kh) i Daniła Jarmolenka (60 kh).
U ahulnakamandnym miedalnym zaliku biełaruskaja zbornaja zaniała 5-je miesca. Na najvyšejšaj prystupcy pjedestała raźmiaściłasia kamanda Tajłanda, na druhim - Rasii, bronzavaj uznaharody ŭdastoilisia aŭstralijskija tajbaksiory.
U junijorskim čempijanacie śvietu ŭ Banhkoku (Karaleŭstva Tajłand) uziali ŭdzieł bolš za 1200 spartsmienaŭ z 78 krain. Biełaruś pradstaŭlali 17 atletaŭ u čatyroch uzrostavych katehoryjach: kadety (10-11 hadoŭ), małodšyja junaki (12-13 hadoŭ), starejšyja junaki (14-15 hadoŭ) i junijory (16-17 hadoŭ).
