Pra heta śviedčyć daśledavańnie rasijskaha Centra etnapalityčnych i rehijanalnych daśledavańniaŭ, praviedzienaje dla Navukova-daśledčaha ŭniviersiteta Vyšejšaj škoły ekanomiki, piša Thinktanks.by.
Pavodle daśledavańnia, siaredni zarobak biełarusaŭ, jakija pracujuć u Rasii — 41,1 tysiač rasijskich rubloŭ (kala 690 dalaraŭ). Na druhim miescy ŭ rejtynhu prybytkaŭ pracoŭnych mihrantaŭ - hramadzianie Hruzii i Azierbajdžana. Ich zarobak składaje 35,9 tysiač rasijskich rubloŭ abo kala 600 dalaraŭ. Na treciaj pazicyi - hramadzianie Małdovy z prybytkam 35,3 tys rubloŭ abo kala 595 dalaraŭ.
Siaredniaja zarabotnaja płata pracoŭnych mihrantaŭ u Rasii ŭ 2017 hodzie (tys. rub.)
| Kraina pachodžańnia | Pravavy status | Siaredni zarobak |
| Azierbajdžan | Lehalny | 35,9 |
|
| Nielehalny | 29, 9 |
| Armienija | Lehalny | 31,1 |
|
| Nielehalny | 28,1 |
| Biełaruś | Lehalny | 41,1 |
|
| Nielehalny | - |
| Hruzija | Lehalny | 35,9 |
|
| Nielehalny | 33,5 |
| Kazachstan | Lehalny | 31 6 |
|
| Nielehalny | 27,3 |
| Kirhizija | Lehalny | 29,3 |
|
| Nielehalny | 27,2 |
| Małdavija | Lehalny | 35,3 |
|
| Nielehalny | 33,2 |
| Tadžykistan | Lehalny | 27,9 |
|
| Nielehalny | 25,1 |
| Uźbiekistan | Lehalny | 29, 0 |
|
| Nielehalny | 27, 2 |
| Ukrajina | Lehalny | 30,8 |
|
| Nielehalny | 30, 2 |
| Usie krainy | ŭsie mihranty | 30,1 |
Krynica: NDU VŠE
Jak adznačajecca ŭ daśledavańni, vytrymki ź jakoha apublikavaŭ «Kommiersant», u Rasii nikudy nie dziełasia zvyčka pradprymalnikaŭ da zvyšekspłuatacyi zamiežnych rabotnikaŭ. Staŭleńnie ich siaredniaj zarpłaty da siaredniaj zarpłaty hramadzian Rasii ad 2011 hoda, praŭda, vyrasła davoli prykmietna - z 72,8% da 84% (u 2011 hodzie mihranty atrymlivali ŭ siarednim 17,7 tys rasijskich rubloŭ, rasiejcy - 24,3 tys., u 2017-m - 30,1 tys. i 35,8 tys. rub. adpaviedna), - ale nahruzka zastałasia nieparaŭnalna vyšejšaj.
Pavodle apytańniaŭ, siaredniaja praciahłaść pracoŭnaha tydnia ŭ zamiežnych rabotnikaŭ składaje ciapier 59 hadzin (u 2011 hodzie - 59,6) suprać 39,6 u hramadzian Rasii (u 2011-m - 39,9).
Najmalnikami zamiežnikaŭ čaściej za ŭsio źjaŭlajucca małyja i siarednija pradpryjemstvy (u 2017 hodzie 40,3% respandentaŭ byli zaniatyja na pradpryjemstvach z kolkaściu rabotnikaŭ da 10 čałaviek, jašče 35,7% - na pradpryjemstvach z kolkaściu zaniatych ad 10 da 49). Praca, jakuju mihrantam daviarajuć, zastajecca niekvalifikavanaj, niezaležna ad ich realnych navykaŭ: 60% pakazvajuć, što ŭ siabie na radzimie pracavali pa bolš vysokaj kvalifikacyi, i amal dźvie traciny ŭsich mihrantaŭ pracujuć u Rasii niekvalifikavanymi rabočymi abo ŭ handli.
