U staličnym rehijonie adznačany dva vypadki, kali padletki pieravodzili ašukancam hrošy za atrymańnie «hałasoŭ» u sacyjalnych sietkach. Padrabiaznaści raspavioŭ tut.by pamočnik prakurora Minskaha rajona Uładzimir Nachodka.
U adnym z vypadkaŭ nieznajomka ŭ internecie prapanavała dziaŭčyncy-padletku atrymać bolšuju kolkaść hałasoŭ. Dla hetaha treba było adpravić SMS na peŭny numar.
— A ŭ vypadku admovy adpravić takoje paviedamleńnie byli vykazanyja pahrozy ab śpisańni z bałansu telefona padletka vialikaj sumy hrošaj, — raspavioŭ pamočnik prakurora.
U vyniku dziaŭčynka adpraviła niekalki SMS na 48 rubloŭ; jaje baćka źviarnuŭsia ŭ milicyju z zajavaj ab machlarstvie.
Jašče adna dziaŭčynka pad pierakonvańniami atrymać «biaspłatnyja hałasy» adpraviła niekalki SMS. Paśla hetaha na rachunku ŭtvaryłasia zapazyčanaść u 210 rubloŭ.
Baćkoŭ prosiać papiaredžvać dziaciej: nie treba stavić na telefon sumnieŭnyja dadatki, i lepš ihnaravać paviedamleńni ad nieznajomcaŭ.
