Hałandskija ŭłady adchilili skarhu administracyi katalickaj carkvy Śviatoha Jazepa ŭ horadzie Tyłburh, u budynku jakoj dva akciory źniali na videa scenu seksu ŭ spaviadalni, paviedamlaje Bi-bi-si.
Rolik byŭ vykładzieny ŭ internet u pačatku hoda, źjaviŭšysia na adnym z hałandskich pornasajtaŭ.
Na dumku hałandskaj prakuratury, videa sapraŭdy možna ličyć abraźlivym, ale pryciahnuć da suda jaho vytvorcaŭ nie mahčyma, bo zakon ab bluźnierstvie (źnievažeńni Boha) byŭ daŭno admienieny.
«My ličym, što heta [videa] abraźlivaje pa sutnaści, ale my ŭvažliva vyvučyli zakanadaŭčuju bazu i nie znajšli padstaŭ dla kryminalnaha pieraśledu. Bluźnierstva nie złačynstva, a pytańnie ab niezakonnym praniknieńni na terytoryju tut nie staić», - zajaviŭ pres-sakratar prakuratury.
Ciapier kiraŭnictvu carkvy treba budzie vyrašyć, ci varta pačynać hramadzianskaje sudovaje raźbiralnictva.
