Školnika na rovary naśmierć źbiła elektryčka ŭ Smalavickim rajonie, paviedamili BiełTA va UUS Minabłvykankama.
Śmiarotnaje DTZ na čyhunačnym pierajeździe adbyłosia 14 žniŭnia kala 12.24. Na šlachu vyjechaŭ 14-hadovy viełasipiedyst - jon praihnaravaŭ čyrvonaje śviatło i zakryty šłahbaum. Chłopčyka zaŭvažyŭ mašynist chutkasnaha elektraciahnika Orša-Minsk. Niahledziačy na źnižeńnie chutkaści ŭ nasielenym punkcie i ekstranaje tarmažeńnie, paźbiehnuć sutyknieńnia nie ŭdałosia.
Ad atrymanych traŭmaŭ školnik pamior na miescy. Pavodle infarmacyi pravaachoŭnikaŭ, ad pačatku hoda ŭ Smalavickim rajonie heta piaty niaščasny vypadak na čyhuncy, pry hetym čatyry ź ich adbylisia letam. Usiaho z pačatku hoda adbyłosia 83 niaščasnyja vypadki na čyhuncy, u jakich 49 čałaviek zahinuli i 34 atrymali traŭmy.
