U aŭtorak i sieradu prajšli pieršyja matčy płej-of kvalifikacyi futbolnaj Lihi čempijonaŭ. Na siabie źviartajuć try vyniki.
Maskoŭski CSKA, jaki ŭznačalvaje biełarus Viktar Hančarenka, u aŭtorak u haściach pieramoh šviejcarski «Janh Bojz» 1:0.
Pražskaja «Słavija», jakaja stała na šlachu BATE ŭ 3-m raŭndzie, prajhrała ŭ haściach kiprskamu APOEŁu — 0:2.
A voś kazachstanskaja «Astana» ŭčora ŭ haściach była razhromlena šatłandskim «Sełtykam» ź likam 0:5.
Za kazachstanski kłub, jaki ŭ svoj čas dvojčy nie puściŭ u jeŭrakubki BATE, vystupajuć Ivan Majeŭski i Ihar Šytaŭ. Šytaŭ učora vyznačyŭsia aŭtahołam, aŭtahoł taksama na rachunku rasijanina Jaŭhiena Postnikava, što ŭ 2012—2013 hh. vystupaŭ za salihorski «Šachcior».
scottishsun/PA
Matčy ŭ adkaz projduć praz tydzień.
BATE ž siońnia hulaje ŭ płef-of kvalifikacyi Lihi Jeŭropy.
Supiernikam biełaruskaha kłuba budzie ŭkrainskaja «Aleksandryja» z Kiravahradskaj vobłaści. Pačatak hulni a 20-j.
Matč u adkaz — 24 žniŭnia.
