30-hadovy minčuk padazrajecca ŭ abarocie zabaronienych rečyvaŭ. Pa dadzienych śledčych, mužčyna atrymlivaŭ hrošy za prodaž u bitkojnach. Padrabiaznaści paviedamlaje Tut.by sa spasyłkaj na pres-słužbu Śledčaha kamiteta.
Pavodle viersii śledstva, z maja da žniŭnia mužčyna pracavaŭ aptovym raspaŭsiudnikam zabaronienych rečyvaŭ u Minsku.
Jakraz u momant zakładki jaho zatrymała milicyja. Pry sabie ŭ minčuka znajšli 280 hram marychuany i jašče 160 hram psichatropu «fienamin». Pa kanfiskavanaj technicy byli pryznačanyja ekśpiertyzy.
— U vyniku praviedzienych mierapryjemstvaŭ była atrymana infarmacyja ab tym, što ŭznaharodžańnie za svaju supraćpraŭnuju dziejnaść padazravany mužčyna atrymlivaŭ u bitkojnach, — paviedamiła aficyjny pradstaŭnik SK Julija Hančarova.
Zaviedziena kryminalnaja sprava pa č.3 art. 328 KK (Niezakonny abarot narkatyčnych srodkaŭ i psichatropnych rečyvaŭ z metaj zbytu). Sankcyja artykuła — ad 8 da 15 hadoŭ pazbaŭleńnia voli.
Mužčyna ŭziaty pad vartu, na jaho majomaść nakładzieny aryšt. Praviarajecca infarmacyja ab mahčymym dačynieńni abvinavačanaha da inšych złačynstvaŭ.
