Złučanyja Štaty pryniali rašeńnie pastavić Rumynii reaktyŭnyja sistemy załpavaha ahniu (RSZA) High Mobility Artillery Rocket Systems (HIMARS) na ahulnuju sumu $ 1,25 młrd, piša TASS.
Jak śćviardžaje amierykanskaje vajennaje viedamstva, novy kantrakt z Rumynijaj «umacuje zamiežnuju palityku i nacyjanalnuju biaśpieku ZŠA», pakolki dapamoža «ŭzmacnić biaśpieku sajuźnika pa NATO, jaki źjaŭlaŭsia i pa-raniejšamu zastajecca faktaram palityčnaj stabilnaści i ekanamičnaha prahresu ŭ Jeŭropie». Hetaja ździełka «padtrymaje patreby Rumynii ŭ śfiery samaabarony, a taksama <…> mety NATO», ale nie źmienić bałans sił u rehijonie, ličać u Pientahonie.
Rumynija budzie vykarystoŭvać RSZA HIMARS dla madernizacyi svaich Uzbrojenych sił, umacavańnia nacyjanalnaj abarony i strymlivańnia «rehijanalnych pahroz», miarkuje minabarony ZŠA. Jano taksama ŭdakładniŭ, što vykanańnie pahadnieńnia zapatrabuje adpraŭki ŭ Rumyniju prykładna na hod da 10 techničnych śpiecyjalistaŭ ŭrada ZŠA ci pryvatnych amierykanskich padradčykaŭ.
Amierykanskaja administracyja paviedamiła Kanhresu ab rašeńni ekspartavać u Rumyniju RSZA. U zakanadaŭčaj haliny ŭłady ZŠA jość 30 dzion na vyvučeńnie hetaha kantraktu i jaho mahčymaje błakavańnie.
U lipieni ZŠA paviedamili ab płanach pastavić Rumynii zienitnyja rakietnyja sistemy Patriot na $ 3,9 młrd.
