Biełaruskija elektrarovary mohuć źjavicca ŭ prodažy viasnoj 2018 hoda, zajaviŭ siońnia žurnalistam hienieralny dyrektar AAT «Pryborabudaŭničy zavod «Aptron» Nacyjanalnaj akademii navuk Mikałaj Jankievič, pieradaje BIEŁTA.
«Rovar z motakołam ź viasny ŭžo budzie ŭ prodažy. Pryčym źjavicca nie tolki dvuchkołavy, ale i trochkołavy varyjanty», — raspavioŭ Mikałaj Jankievič.
Pa jaho słovach, kiraŭnictva pryborabudaŭničaha zavoda «Aptron» raźličvaje arhanizavać vytvorčaść na svajoj bazie, ale pry hetym zachavać brend «Busieł», bo hetaja handlovaja marka viadomaja nie tolki ŭ Biełarusi, ale i za miažoj.
Mahutnaść matora składaje 600 vat, jon pracuje ad akumulatara. «Kali jaje padvoić, to budzie dosyć, kab pieravozić hruzy. Tamu motakoła moža być vykarystanaje ŭ tym liku ŭ vioskach», — raspavioŭ Mikałaj Jankievič.
Motarovar zdolny raźvić chutkaść da 40 km/h.
