Centralny rajonny sud Čalabinska pastanaviŭ spahnać 1 miljon rasijskich rubloŭ (kala 17 tys. dalaraŭ) z rehijanalnaha Ministerstva achovy zdaroŭja i radzilni na karyść miascovaj žycharki Zoi Tuhanavaj, jakoj u hetaj radzilni 30 hadoŭ tamu padmianili novanarodžanuju dačku (Taćcianu Tuhanavu).
Žančyna padała pazoŭ u sud 11 krasavika 2017 hoda.
Sud častkova zadavoliŭ pazoŭ paciarpiełaha boku, jaki prasiŭ spahnać na jaje karyść 10 miljonaŭ rasijskich rubloŭ (169 tysiač dalaraŭ). Zoja Tuhanava i jaje pradstaŭnik patrabavali spahnać hetuju sumu z adkazčykaŭ — pierynatalnaha centra Čalabinskaj vobłaści, Ministerstva achovy zdaroŭja Rasii i Minfina Rasii, a taksama z abłasnych Ministerstva achovy zdaroŭja i ŭrada.
Pazoŭščyca miarkuje, što vina miedrabotnikaŭ, z-za jakoj jana «pieraniesła šmat pakut», dakazanaja.
«Paśla taho jak ja daviedałasia pra padmienu dziaciej, uvieś śviet spyniŭsia: bo paśla padmieny maja rodnaja dačka ź siamji Tulehienavaj trapiła ŭ dziciačy dom, i zaraz navat tablicy množańnia nie viedaje», - adznačyła jana.
Zoja Tuhanava i jaje pradstaŭnik u sudzie śćviardžajuć, što padmiena dziaŭčynki adbyłasia ŭ Čalabinsku ŭ abłasnoj akušerskaj hiniekałahičnaj balnicy ŭ 1987 hodzie.
Paśla taho jak Tuhanava naradziła dačku, miedyki pierabłytali jaje ź inšaj dziaŭčynkaj. Pa słovach maci, jana zdahadałasia pra padmienu dziciaci adrazu paśla rodaŭ i pasprabavała tady vyrašyć hetuju prablemu, ale daktary skazali, što dzicia jaje. Tuhanava adznačyła, što «pad upłyvam telepieradačy pra padmienu dziaciej» vychavanaja joju dačka Kaciaryna Tuhanava praviała daśledavańnie z DNK-analizam. Padčas daśledavańnia znajšli rodnuju dačku pazoŭščycy, a svajactva paćvierdziŭ DNK-analiz.
Pa dadzienych infarmahienctva «Maha-Urał», Zoja Tuhanava ličyć, što padmiena ŭ radzilni adbyłasia z-za błytaniny z «suhučnymi proźviščami». Razam ź joj u radzilnym domie znachodziłasia žančyna pa proźviščy Tulehienava.
