Rabotniki kamunalnych słužbaŭ Sankt-Pieciarburha (RF) dla pieramohi ŭ konkursie na najlepšaje dobraŭparadkavańnie sadu azielanili zasochłyja drevy, prymacavaŭšy da ich zialonyja haliny skotčam. Paviedamleńnie pra heta apublikavanaje na sajcie Ahulnarasijskaha narodnaha frontu.
onf.ru
«Naviedvalniki sadu raskazvajuć, što raniej heta byli pryhožyja rabiny, ale praz adsutnaść naležnaha dohladu jany zahinuli, i doŭhi čas nikoha z sadoŭnikaŭ nie turbavali. A dva dni tamu rabinavyja sadžancy pieratvarylisia ŭ razhalistyja vierby. Napiaredadni dniom žychary susiednich damoŭ bačyli 10 čałaviek, jakija ahladali sad, i zrabili vysnovu, što da ich pryjezdu i rychtavalisia rabotniki, «azielaniŭšy» miortvyja drevy», — skazaŭ ekśpiert ANF Dźmitryj Hruździeŭ.
Drevy ŭ sadzie Tkačoŭ u Nieŭskim rajonie Pieciarburha vyjavili žychary bližejšych damoŭ. Paśla hetaha jany źviarnulisia da aktyvistaŭ ANF. Pradstaŭniki hramadskaha ruchu vyśvietlili, što supracoŭniki kamunalnych słužbaŭ rychtavalisia da konkursu «Utulny sad-2017».
