U subotu 2 vieraśnia ŭ centry Minska adbudziecca hrandyjoznaja prezientacyja Hruzii XXI stahodździa «Tbilisoba Baržomi — 2017». Upieršyniu śviata nacyjanalnaj kultury budzie doŭžycca da paŭnočy i stanie adlustravańniem novaj Hruzii, dzie ludzi šanujuć tradycyi, ale hatovyja da bolšaha: nasić ekstravahantnyja ŭbory, ładzić pikniki na travie sa stryt-fudam i «Baržomi» ŭ butelcy, a taksama tančyć da ranicy pad rytmy elektronnaj muzyki ad najlepšych dydžejaŭ «hruzinskaj Ibicy».
Biełarusy pieražyvajuć «bum» na ŭsie hruzinskaje. Žadańnie pabyvać u Hruzii trapiła ŭ višlist kožnaha, chto adkryty dla padarožžaŭ. Heta nie dziŭna: dabracca da najbujniejšych aeraportaŭ u Tbilisi i Kutaisi ź Minska možna, vydatkavaŭšy mienščym 100$, a pra miascovuju haścinnaść składajuć lehiendy. Bolš za 50 000 turystaŭ ź Biełarusi naviedali Hruziju ŭ minułym hodzie, a ŭ hetym płyń vyrasła amal na čverć. Siarod haściej byli i tyja, kamu mała plažaŭ i hor: vandroŭniki šukajuć «tera inkohnita» — Hruziju, jakuju možna adkryć, adpraviŭšysia na špacyr pa načnym horadzie. Ci ž 2 vieraśnia apynucca ŭ centry Minska, dzie ŭ treci raz projdzie fiestyval hruzinskaj kultury «Tbilisoba Baržomi».
— My padtrymlivajem dobruju tradycyju adznačać dni nacyjanalnych kultur u centry horada, i ŭ hetym hodzie harantujem, što padstaŭ dla zadavalnieńniaŭ stanie bolš, — raspaviadaje Dzianis Krupiec, dyrektar IDS Borjomi Belarus. — Pieršy ź ich — heta naša navinka, «Baržomi» ŭ stylovaj i zručnaj butelcy, ź jakoj kožny z našych haściej zmoža bolš: bolš tancavać, bolš słuchać muzyki i, viadoma ž, jak maha bolš atrymlivać asałodu ad kožnaj chviliny fiestyvalu.
Vierchni horad na adnu noč pieratvorycca ŭ vielizarny tancpoł fiestyvalu hruzinskaj elektronnaj muzyki, dzie vystupiać najlepšyja dydžei Tbilisi — Nika Amirejibi, Lasha Guruli i Kakhaber Tsiskaridze, jakija jašče tydzień tamu zavodzili natoŭp na «hruzinskaj Ibicy» GEM Fest, a ciapier zładziać drajv na płoščy Svabody.
Dyzajniery Kachabier Cyskarydze i Łaša Jokchadzie pakažuć svaje kalekcyi adzieńnia prosta na scenie ŭ Vierchnim horadzie pad huki elektronnaha bita, i ich navatarskaje bačańnie mody ŭžo zaŭtra moža stać trendam, jak heta zdaryłasia z hruzinskimi nacyjanalnymi ŭzorami, jakija pakaryli viadučyja damy mody.
Kali noč — siabra moładzi, to dzień stanie daninaj tradycyjam Hruzii. Na płoščy Svabody z 12:00 vyjduć ansambli «Hruzinskija hałasy» i «Mierani», a taksama salisty arkiestra «Tbilisi Bih-bend», jaki ŭklučany ŭ suśvietnuju «Muzyčnuju encykłapiedyju» jak adzin z samych aŭtentyčnych kalektyvaŭ Hruzii.
U paraŭnańni ź minułym hodam, fudkort stanie bolšym u dva razy, pavialičyŭšysia da 25 restaranaŭ z chatniaj hruzinskaj kuchniaj i stravami «on the go». Akramia hetaha, da fiestyvalu nacyjanalnaj kultury ŭpieršyniu dałučycca modnaja vulica Zybickaja, na jakoj 28 žniŭnia startavaŭ tydzień hruzinskaj kuchni. U restaranie «Chinkalnia», jaki adkryŭsia niadaŭna, hruzinski šef-kuchar pravioŭ majstar-kłas pa pryhatavańni roznych vidaŭ chačapury, a na adkrytaj vierandzie bara «Čierdak» stravy hatavali kuchary ŭstanoŭ-udzielnikaŭ — uvieś tydzień dzieviać kafe i baraŭ buduć častavać haściej aŭtarskaj hruzinskaj kuchniaj z abaviazkovym atrybutam — butelečkaj aśviažalnaha «Baržomi».
— Zaraz u Minsku kala 10 restaranaŭ hruzinskaj kuchni, pra jakija možna skazać, što jany tradycyjnyja. Bolšaść ź ich adkrylisia za apošnija try hady, — raspaviadaje Kachi Pakacašvili, kiraŭnik hruzinskaha kulturna-aśvietnickaha tavarystva «Mamuli». — Usie hruzinskija restarany buduć pradstaŭleny na rekordnym dla Vierchniaha horada fudkorcie na «Tbilisoba Baržomi — 2017». Buduć taksama i biełaruskija restarany, jakija pakažuć svajo bačańnie našaj kuchni, tak što ŭ haściej budzie mahčymaść pasprabavać roznyja hruzinskija stravy i paraŭnać.
U Muzyčnym zavułku buduć hučać kaviery na papularnyja hruzinskija miełodyi ŭ vykanańni artystaŭ «Piešachodki» Georgian style, a hitary, barabany, sintezatary stanuć rytmam dla zapalnych tancaŭ i majstar-kłasaŭ. Na terasie «Stary Tbilisi — Novy Tbilisi», jakaja raźmieścicca za 100 mietraŭ ad hałoŭnaj sceny, projdzie fotavystava nacyjanalnych kaściumaŭ i słavutaściaŭ Hruzii, a taksama prajekt, pryśviečany hruzinskamu ałfavitu, kožnaja litara jakoha svajoj formaj nahadvaje mudrahielistyja ŭschodnija ŭzory — i achvotna navučać usich achvotnych pisać pa-hruzinsku.
Dla dziaciej pabudujuć hruzinski sałamiany haradok Borjomiland, dzie možna navučycca lapić chinkali, chavacca ŭ łabiryncie i rabić viasiołyja fatahrafii. Pa susiedstvie raźmieścicca Butelka zadavalnieńniaŭ «Baržomi», jakaja ŭsio leta prapanoŭvała aktyŭny adpačynak u parkach horada, a ciapier viarnułasia z abnoŭlenym naboram zadavalnieńniaŭ — darosłym tvistaram i chutkimi spatkańniami za hulnioj u badminton.
— Mienavita z «Tbilisoba Baržomi» pačalisia dni nacyjanalnych kultur u Minsku i mienavita joj my možam być udziačnyja za śviaty, jakija stali dobraj tradycyjaj horada, — adznačaje Pavieł Skałaban, načalnik hałoŭnaha ŭpraŭleńnia ideałahičnaj raboty, kultury i pa spravach moładzi Minharvykankama. — Letaś «Tbilisoba Baržomi» sabrała bolš za 35 tys. čałaviek i ŭ hetym hodzie, jak nam zdajecca, pryciahnie jašče bolš haściej dziakujučy novamu farmatu — śviata zavieršycca tolki ŭ 24:00, takoha jašče nie było.
